Sonte fillon manovra e kombinuar e brezit të sigurisë detare 2023

Manovra e kombinuar e brezit të sigurisë detare 2023 me pjesëmarrjen e Iranit, Kinës dhe Rusisë dhe vëzhguesve nga Kazakistani dhe Pakistani do të fillojë sonte (të enjten mbrëma) në pjesën veriore të Oqeanit Indian.

Agjencia e lajmeve IRNA njoftoi se Mustafa Taxh Al-Dini, zëdhënësi i manovrës së kombinuar të brezit të sigurisë detare 2023, Deklaroi: "Përveç njësive sipërfaqësore dhe fluturuese të forcave detare të Republikës Islamike të Iranit dhe forcat detare të Gardës së Revolucionit Islamik, në këtë stërvitje ushtarake marrin pjesë edhe njësitë e forcave detare të Kinës dhe Rusisë. Kjo stërvitje ushtarake e kombinuar do të fillojë sonte në orët e vona të mbrëmjes me praninë e njësive sipërfaqësore dhe fluturuese të forcave detare të Iranit, Kinës dhe Rusisë në rajonin verior të Oqeanit Indian".

Admiral Taxh Al-Dini shtoi: "Kjo është stërvitja e katërt ushtarake e përbashkët që do të zhvillohet me pjesëmarrjen e Iranit, Kinës dhe Rusisë dhe do të vazhdojë edhe në të ardhmen. Stërvitja w kombinuar ushtarake "Brezi i Sigurisë Detare 2023" zhvillohet me sloganin "Së bashku për të vendosur paqen dhe sigurinë"; dhe mbahet në një sipërfaqe prej 17 mijë kilometrash katrorë, me mesazhin e paqes dhe miqësisë".

Zëdhënësi i stërvitjes ushtarake të kombinuar "Brezi i Sigurisë Detare 2023" tha: "Kjo stërvitje do të zhvillohet sipas planeve të paracaktuara në veri të Oqeanit Indian dhe qëllimi i mbajtjes së kësaj stërvitje është konsolidimi i sigurisë dhe themeleve të saj në rajon dhe zgjerimi i bashkëpunimit shumëpalësh midis tre vende dhe tregimi i vullnetit të mirë dhe aftësinë e këtyre vendeve për të mbështetur së bashku paqen globale, sigurinë detare dhe krijimin e një komuniteti detar me një të ardhme të përbashkët".

Admiral Taxh Al-Dini shtoi: "Në këtë manovër ushtarake janë planifikuar stërvitje të ndryshme taktike, duke përfshirë shpëtimin e një anijeje të djegur, çlirimin e një anijeje të rrëmbyer, gjuajtjen kundër objektivave specifike, gjuajtjen gjatë natës ndaj objektivave ajrore dhe stërvitje të tjera taktike dhe operacionale, dhe ndër qëllimet e kësaj manovre ushtarake mund të përmendim forcimin e sigurisë së tregtisë ndërkombëtare detare, luftimin e piraterisë dhe terrorizmit detar, masat humanitare, shkëmbimin e informacionit në fushën e shpëtimit detar, si dhe shkëmbimin e përvojave operacionale dhe taktike".