Kanani reagon ndaj deklaratave raciste dhe provokuese të ministrit të regjimit sionist

Zëdhënësi i Ministrisë së Punëve të Jashtme të Iranit, duke dënuar deklaratat raciste dhe provokuese të ministrit të regjimit sionist, i cilësoi ato si një tregues të natyrës agresive dhe lakmitare të regjimit uzurpues sionist kundër të gjithë popujve të rajonit, duke përfshirë edhe Jordaninë.

Bezalel Smotrich, ministri i financave të regjimit sionist, në një ceremoni në Paris deklaroi se "nuk ekziston diçka e tillë si populli palestinez". Ai pretendoi se populli palestinez është një shpikje e shekullit të kaluar dhe se njerëz si ai dhe paraardhësit e tij janë palestinezët e vërtetë!!! Smotrich më parë mbështeti sulmet e kolonëve sionistë kundër palestinezëve në zonën Havara në jug të Nablus dhe bëri thirrje për spastrim etnik në zonë.

Agjencia e lajmeve IRNA njoftoi se Naser Kanani, zëdhënësi i Ministrisë së Punëve të Jashtme të Republikës Islamike të Iranit, sot në Twitter dënoi deklaratat raciste dhe provokuese të ministrit sionist kundër të drejtës legjitime të palestinezëve për tokën historike të Palestinës dhe tha: "Deklarata të tilla tregojnë qartë natyrën e agresionit dhe lakmisë së regjimit uzurpator sionist i cili është kundër të gjitha kombeve të rajonit, përfshirë Jordaninë".

Zëdhënësi i MPJ-së theksoi: "Uniteti i vendeve islame dhe rezistenca është çelësi i fitores".