Iranit reagon ndaj raportit të drejtorit të përgjithshëm të ANEA

Misioni i Përhershëm i Republikës Islamike të Iranit pranë zyrës së Kombeve të Bashkuara njoftoi opinionet dhe vërejtjet e tij në lidhje me raportin e drejtorit të përgjithshëm të ANEA në Këshillin e Guvernatorëve të Agjencisë Ndërkombëtare të Energjisë Atomike në lidhje me Marrëveshjen e Masave Mbrojtëse (NPT) me Iranin.

Pas publikimit të raportit të Rafael Grossi, drejtor i përgjithshëm i ANEA-së, Misioni i Përhershëm i Republikës Islamike të Iranit në Zyrën e Kombeve të Bashkuara njoftoi pikëpamjet dhe vërejtjet e tij në lidhje me raportin e Rafael Grossi drejtuar Këshillit të Guvernatorëve të ANEA në lidhje me marrëveshjen e masave mbrojtëse NPT me Republikën Islamike të Iranit.

Në këtë raport thuhet se Republika Islamike e Iranit, siç ka treguar deri më tani, është e vendosur t'i përmbahet zotimeve të saj bazuar në Marrëveshjen Gjithëpërfshirëse të Mbrojtjes dhe ka bërë çdo përpjekje për t'i mundësuar ANEA-së të kryejë aktivitetet e saj verifikuese në Iran. Sistemi i verifikimit të agjencisë është unik.

Raporti më tej thekson se "nuk ka asnjë material bërthamor të padeklaruar në Iran dhe pretendimi i Agjencisë bazohet vetëm në informacione të rreme dhe të fabrikuara të ofruara nga regjimi i paligjshëm izraelit me një histori të gjatë gënjeshtrash zinxhirore".

Përfaqësia e Përhershme e Republikës Islamike të Iranit në Zyrën e Kombeve të Bashkuara gjithashtu theksoi në këtë raport: "Pavarësisht mungesës së dokumenteve të qëndrueshme dhe të besueshme, Irani vullnetarisht i dha Agjencisë akses shtesë në vendndodhje, gjë që tregon qartë gatishmërinë e Iranit për t'u marrë me ndonjë paqartësi të mundshme".

Në këtë raport theksohet gjithashtu se Irani, në reagim ndaj tërheqjes së paligjshme të njëanshme të Shteteve të Bashkuara të Amerikës si dhe shkeljes së qartë të marrëveshjes bërthamore nga Uashingtoni, ndaloi të gjitha masat sqaruese sipas JCPOA në përputhje me ligjin "Veprimi strategjik për heqjen sanksioneve dhe mbrojtjen e interesave të kombit iranian”, miratuar nga Parlamenti Islamik i Iranit.