Irani mori garanci nga SHBA për marrëveshjen e aseteve të ngrira
Zëdhënësi i Ministrisë së Jashtme të Iranit tha se Teherani ka marrë garancinë e nevojshme për angazhimin e SHBA ndaj një marrëveshjeje të fundit për shkëmbimin e të burgosurve dhe lirimin e aseteve të Iranit të ngrira jashtë vendit.
Në një konferencë javore për shtyp të hënën, Naser Kanani tha se “Bisedimet zgjatën gati dy vjet dhe procesi i lirimit të të burgosurve dhe i burimeve financiare të Iranit do të zhvillohet brenda kornizës së marrëveshjes së arritur”. “SHBA-ja ka dhënë garanci për zbatimin e kësaj marrëveshjeje”, shtoi ai. Ai theksoi se Irani, sipas marrëveshjes, "ka akses të plotë në burimet e veta ... dhe mund të blejë të gjitha mallrat që i nevojiten duke i përdorur ato, dhe pjesa e mbetur do të kthehet në një depozitë për të cilën do të paguhet një normë interesi". Kanani vuri në dukje se bisedimet për lirimin e aseteve iraniane nuk janë të lidhura drejtpërdrejt me negociatat që synojnë ringjalljen e marrëveshjes bërthamore të vitit 2015, por theksoi se "çështjet mund të ndikojnë njëra-tjetrën".
