Një delegacion nga Arabia Saudite viziton Teheranin

Një delegacion nga Arabia Saudite udhëtoi në Iran për të marrë pjesë në samitin e kontrollit të pluhurit.  

Sipas Agjencisë së Lajmeve të Studentëve të Iranit (ISNA), Republika Islamike e Iranit po organizon konferencën ndërkombëtare për luftimin e stuhive të pluhurit në bashkëpunim me Kombet e Bashkuara. Ky samit ndërkombëtar i titulluar "Lufta kundër stuhive të rërës dhe pluhurit" filloi dje të shtunën në Teheran. Me normalizimin e marrëdhënieve ndërmjet Republikës Islamike të Iranit dhe Arabisë Saudite, një delegacion saudit u nis sot (e shtunë) për në Teheran për të marrë pjesë në takimin ndërkombëtar për kontrollin e pluhurit. Sipas njoftimit të Ambasadës iraniane në Arabinë Saudite, një delegacion iranian nga Ministria e Trashëgimisë Kulturore, Turizmit dhe Artizanatit të Iranit këtë të dielë është planifikuar të niset për në Riad për të marrë pjesë në takimin e 45-të të Komitetit të Trashëgimisë Botërore të UNESCO-s. Qëllimi i konferencës ndërkombëtare dyditore për të luftuar stuhitë e pluhurit është të shqyrtojë sfidat dhe problemet e vendeve të prekura nga pluhuri dhe të ofrojë zgjidhje praktike për t'u përballur me këtë sfidë dhe problem global.