Irani dënon ashpër përdhosjen e Kuranit të Shenjtë në Holandë
Irani ka dënuar ashpër përdhosjen e përsëritur të Kuranit të Shenjtë në Holandë, duke i kërkuar vendit evropian të respektojë ndjeshmërinë e miliarda myslimanëve në mbarë botën.
"Qeveria holandeze pritet të kuptojë përgjegjësitë e saj për parandalimin e fyerjes kundër vlerave dhe shenjtërive fetare të popullsisë myslimane të botës prej më shumë se dy miliardë banorësh," tha të mërkurën zëdhënësi i Ministrisë së Jashtme të Iranit Naser Kanani. Ai këshilloi Holandën që të ndalojë "përsëritjen e akteve të tilla të dënueshme që ndodhin në emër të 'lirisë së fjalës'". Komentet e tij erdhën disa ditë pasi Edwin Wagensveld, kreu i degës holandeze të grupit anti-islam PEGIDA, grisi një kopje të librit të shenjtë përpara ambasadave turke, pakistaneze dhe indoneziane në Hagë dhe ofendoi Islamin dhe myslimanët. Më pas ai falënderoi policinë holandeze për mbrojtjen e tij gjatë kryerjes së gjestit të urryer. Të hënën, Organizata e Bashkëpunimit Islamik (OIC) dënoi në mënyrë të ngjashme aktin e përdhosjes së Kuranit të Shenjtë, duke u kërkuar autoriteteve holandeze të ndalojnë aktet provokuese dhe islamofobe.
