Amir Abdollahian takohet me Ismail Hanieh

Ministri i Jashtëm i Iranit, Hussein Amir Abdollahian, u takua dhe bisedoi me Ismail Hanieh, kreun e zyrës politike të Lëvizjes së Rezistencës Islamike të Hamasit, në Doha të Katarit.

Sipas IRNA; Ky është takimi i parë zyrtar i Hanieh me autoritetet iraniane pas fitores së Palestinës në operacionin Stuhia Al-Aksa. Në këtë takim, ministri i Jashtëm i Iranit përgëzoi fitoret e rezistencës së kombit palestinez dhe shtoi:  Sasia e krimeve të luftës të kryera nga sionistët kundër popullit të Gazës është e lartë, sepse ata morën një goditje të paprecedentë nga kombi palestinez. Ai gjithashtu vuri në dukje veprimin spontan të popullit palestinez në hartimin dhe zbatimin e operacionit Stuhia Al-Aksa dhe shtoi: Sipas shumë ekspertëve, stuhia Al-Aksa tregoi se, në kundërshtim me keqkuptimin e disave, Palestina është e gjallë dhe procesi i normalizimit të disa vendeve nuk mund të krijojë ndonjë boshllëk në vullnetin e fortë të popullit palestinez për realizimin e kërkesave të tij natyrore, njerëzore dhe ligjore.  Amir Abdullahian më tej theksoi:  Nëse krimet e luftës të regjimit sionist në Gaza vazhdojnë, çdo mundësi është e mundur në rajon dhe Republika Islamike e Iranit do të vazhdojë përpjekjet e saj për të ndalur krimet e luftës të sionistëve. Ismail Hanieh, kreu i Byrosë Politike të Hamasit, gjithashtu përcolli përshëndetjet e tij për liderin suprem të revolucionit, presidentin dhe popullin e Iranit dhe falënderoi Republikën Islamike të Iranit për mbështetjen e dhënë ndaj Palestinës. Hanieh tha se është shumë e rëndësishme që të mbahet takimi i zyrtarëve të lartë të Organizatës së Bashkëpunimit Islamik dhe nga kjo presim të shohim mbështetjen e fuqishme të botës islame për kombin palestinez. Ai shtoi:  Armiku sionist për shumë dekada ka kryer shumë krime kundër kombit të shtypur palestinez dhe në muajt e fundit ka kryer edhe shumë përdhosje ndaj xhamisë Al-Aksa dhe operacioni Stuhia Al-Aksa ishte një reagim i natyrshëm ndaj këtyre veprimeve dhe ofendimeve.  Duhet theksuar se Amir Abdollahian, në udhëtimin e tij rajonal në Irak, Liban, Siri dhe Katar, po vijon konsultimet për parandalimin e krimeve të këtij regjimi.