Irani përsërit mbështetjen për rezistencën legjitime palestineze

Ministri i Jashtëm iranian Hossein Amir-Abdollahian ka përsëritur mbështetjen e Iranit për rezistencën legjitime të popullit palestinez, duke u bërë thirrje të gjitha vendeve të shtojnë përpjekjet e tyre për të ndalur krimet e luftës të regjimit sionist.

“Ka shumë vite që populli palestinez po përpiqet të çlirojë vendin e tij nga okupimi. Kjo është një rezistencë legjitime nga pikëpamja e së drejtës ndërkombëtare dhe e Kartës së Kombeve të Bashkuara,” i tha ai Ministres së Jashtme të Burkina Fasos Olivia Rouamba në një takim të enjten në Gjenevë.

“Është e nevojshme që të gjitha vendet të përpiqen të ndalojnë krimet e luftës të regjimit izraelit kundër popullit palestinez në Gaza dhe në Bregun Perëndimor, duke mbështetur betejat çlirimtare të popullit palestinez”, shtoi ai.

Amir-Abdollahian, në Gjenevë në ditën e fundit të Forumit Global të Refugjatëve, shpjegoi kursin e veprimit të Republikës Islamike për një zgjidhje demokratike të krizës në Palestinë.

Gjithashtu, në një bisedë telefonike, Amir-Abdollhian dhe homologu i tij brazilian Mauro Vieira theksuan rëndësinë e konsultimeve të vazhdueshme për të ndihmuar në ndalimin e krimeve izraelite dhe mbrojtjen e civilëve në Gaza.