Irani thotë se bota duhet të ngrejë zërin për drejtësi

Misioni i përhershëm i Iranit në zyrën e Kombeve të Bashkuara në Gjenevë ka kritikuar dekada të krimeve të Izraelit kundër palestinezëve, duke i kërkuar komunitetit ndërkombëtar të ngrejë zërin për drejtësi.

"Krimet e kryera kundër palestinezëve gjatë dekadave rëndojnë mbi ndërgjegjen e njerëzimit," tha të premten misioni iranian në një mesazh në rrjetin X.

Ai paralajmëroi se pushtimi, krimet kundër njerëzimit dhe shkeljet e rënda të të drejtave të njeriut nuk duhet të normalizohen.

Gjykata Ndërkombëtare e Drejtësisë në Hagë filloi të enjten seancat mbi akuzën se Izraeli po kryen gjenocid në Gaza.

Ministri i Jashtëm iranian Hossein Amir-Abdollahian mbështeti fuqishëm lëvizjen guximtare të qeverisë së Afrikës së Jugut kundër Izraelit.

“Neveria dhe urrejtja ndaj sjelljes shtazarake të Netanyahut dhe ushtrisë terroriste të regjimit sionist në kryerjen e gjenocidit dhe krimeve të luftës kundër palestinezëve nuk mund të lahet në opinionin publik të botës me asnjë titull apo logjikë”, tha ministri i Jashtëm iranian.