Amir Abdollahian u nis nga Doha për në Teheran

Ministri i Jashtëm i Republikës Islamike të Iranit u nis nga Doha për në Teheran pas takimit dhe bisedës me zyrtarë të lartë të Katarit.

Sipas IRNA, Hussein Amir Abdollahian në Katar u takua dhe bisedoi me Emirin, Kryeministrin dhe Ministrin e Jashtëm dhe Ismail Haniyeh, kreun e zyrës politike të Hamasit. Raundi i ri i udhëtimit rajonal të Amir Abdullahian filloi të premten e kaluar me udhëtimin e tij në Bejrut dhe pas takimit me zyrtarë libanezë, ministri i Jashtëm u nis për në Damask ku u takua me zyrtarë të lartë sirianë. Axhenda e takimeve të Amir Abdollahian gjatë këtij udhëtimi rajonal ishte konsultimi për çështjet dypalëshe të Iranit me zyrtarët e Libanit, Sirisë dhe Katarit dhe theksimi në rritjen e ndërveprimeve dhe bashkëpunimit në fusha të ndryshme, rritjen e bashkëpunimit të përbashkët në luftën kundër terrorizmit, shqyrtimin e çështjeve rajonale dhe ndërkombëtare dhe sigurisht zhvillimet që lidhen me Palestinën. Theksimi i Ministrit të Punëve të Jashtme të Iranit dhe autoriteteve të Libanit, Sirisë dhe Katarit mbi nevojën e ndalimit sa më të shpejtë të luftës në Gaza si qendër e krizës rajonale dhe dërgimit të ndihmave humanitare për popullin e Gazës dhe Bregun Perëndimor, ishte një nga akset më të rëndësishme të agjendës së këtij raundi të udhëtimit rajonal të Amir Abdollahian.