Kanani dënoi krimet sioniste në spitalin Al-Shifa

Zëdhënësi i Ministrisë së Punëve të Jashtme tha se fatkeqësisht 180 pacientë, staf mjekësor dhe refugjatë palestinezë të rrethuar në spitalin Shifa kanë rënë dëshmorë ditët e fundit për shkak të krimeve barbare të regjimit pushtues.

Naser Kanani ka thënë: Për çdo ditë dëgjohen raporte tronditëse dhe rrëqethëse për torturat, përdhosjen dhe vrasjen e grave palestineze në këtë spital, për të cilën kërkohet veprim dhe ndërhyrje e menjëhershme dhe vendimtare nga komuniteti ndërkombëtar, duke përfshirë formimin e një grupi kërkimor ndërkombëtar për të zbuluar përmasat e krimeve të luftës sioniste në spitalin e Shifas. Kanani theksoi se Irani rikujton edhe një herë përgjegjësinë e bashkësisë ndërkombëtare dhe qeverive islamike për të mbështetur kombin e shtypur palestinez, veçanërisht banorët dhe viktimat e luftës në Rripin e rrethuar të Gazës dhe kërkoi ndërhyrje efektive, vendimtare dhe të menjëhershme nga qeveritë dhe Institucionet ligjore dhe ndërkombëtare për të ndalur këto krime. Ai gjithashtu bëri thirrje për ngritjen e një çështje penale kundër regjimit sionist dhe gjykimin e personave përgjegjës, autorëve dhe mbështetësve të tragjedive të tilla njerëzore.