Mbështetja e Amerikës për Izraelin, shkaku kryesor i gjenocidit kundër Palestinës
Në kuadër të takimeve diplomatike në Nju Jork, ministri i Jashtëm i Iranit u takua me ministrin e Jashtëm të Republikës Federative të Brazilit, Mauro Vieira, me të cilin diskutoi zhvillimet më të fundit rajonale dhe ndërkombëtare dhe marrëdhëniet dypalëshe.
Në këtë takim, Hussein Amir Abdollahian, duke shpjeguar reagimin e fuqishëm të fundit të forcave të armatosura iraniane kundër regjimit sionist, u shpreh: Aksioni ushtarak i Republikës Islamike të Iranit në përgjigje të krimeve të regjimit sionist u krye në kuadër të mbrojtjes legjitime dhe në përputhje me të drejtën ndërkombëtare. Amir Abdollahian gjithashtu paralajmëroi rreth çdo aventure të regjimit sionist dhe theksoi: Republika Islamike e Iranit do t'i përgjigjet më forcë çdo llogaritjeje të gabuar të regjimit sionist. Ministri i Jashtëm i Republikës Federative të Brazilit, Mauro Vieira, në këtë takim, duke theksuar rreziqet e zgjerimit të tensioneve në rajon, u shpreh: Brazili dëshiron të ulë përshkallëzimin e tensioneve në rajon dhe po përdor të gjitha mundësitë dhe përpjekjet e tij për të ndihmuar në vendosjen e paqes dhe sigurisë në rajon. Ai më tej theksoi rëndësinë e zgjerimit të marrëdhënieve të vendit të tij me Republikën Islamike të Iranit në të gjitha nivelet politike, ekonomike dhe kulturore. Hussein Amir Abdollahian në një telefonatë me ministrin e Jashtëm turk Hakan Fidan gjithashtu theksoi nevojën për një armëpushim të menjëhershëm në Rripin e Gazës.
