Bagheri Kani: Irani rezervon  të drejtën për t'iu përgjigjur vrasjes së Haniyeh

Ministri i Jashtëm në detyrë i Iranit, Ali Bagheri Kani, ka përsëritur se Irani ka të drejtën për t'iu përgjigjur vrasjes së liderit të lartë të rezistencës palestineze Ismail Haniyeh në tokën iraniane nga regjimi izraelit.

Në një postim në platformën X të mërkurën, Bagheri Kani tha se Haniyeh kishte qenë në Iran si një mysafir zyrtar i Republikës Islamike për të marrë pjesë në ceremoninë e inaugurimit të presidentit të vendit, kur ai u vra në një sulm nga regjimi izraelit në rezidencën e tij në Teheran.

“Ky akt terrorist është një shkelje e rëndë e parimeve dhe rregullave të së drejtës ndërkombëtare, Kartës së Kombeve të Bashkuara dhe një mosrespektim i hapur ndaj sigurisë kombëtare dhe integritetit territorial të Republikës Islamike të Iranit”, tha Bagheri Kani.

“Irani dënon në termat më të fortë të mundshëm këtë akt të neveritshëm kriminal dhe thekson të drejtën e tij për t'iu përgjigjur këtij akti provokues agresiv siç e sheh të përshtatshme,” shtoi ai.