Kryeministri i Katarit do të vizitojë Iranin mes tensioneve rajonale

Kryeministri dhe ministri i Jashtëm i Katarit, Mohammed bin Abderrahmane Al Thani, do të vizitojë Teheranin në ditët në vijim mes tensioneve të rritura rajonale.

Kryeministri i Katarit pritet të diskutojë çështje me interes të përbashkët dhe zhvillimet kryesore rajonale me autoritetet iraniane, duke përfshirë ministrin e ri të Jashtëm iranian Abbas Araqchi.

Mohammed bin Abderrahmane Al Thani do të mbërrijë në Teheran të hënën për një vizitë të parë zyrtare që nga formimi i qeverisë së re iraniane.

Irani dhe Katari gëzojnë marrëdhënie të forta dhe Presidenti iranian Masoud Pezeshkian u zotua të vazhdojë seriozisht përpjekjet për të forcuar marrëdhëniet dypalëshe.

Vizita e kryeministrit të Katarit vjen pasi Irani u zotua t'i përgjigjet vrasjes së liderit politik të Hamasit, Ismail Haniyeh nga Izraeli në fund të muajit të kaluar.

Hakmarrja e Iranit mund të befasojë Izraelin, deklaroi këtë javë misioni iranian në OKB.