Araghchi: Irani mbështet marrëveshjen e armëpushimit të pranuar nga palestinezët dhe Hamasi

Në një bisedë me ministrin e Jashtëm bullgar, ministri i jashtëm i Iranit përshëndeti çdo marrëveshje të pranuar nga palestinezët dhe Hamasi për arritjen e armëpushimit në Gaza.

Abbas Araghchi e bëri komentin të dielën në një telefonatë me homologun e tij bullgar Ivan Kondov.

“Irani mbështet çdo marrëveshje, e cila pranohet nga palestinezët dhe Hamasi për vendosjen e armëpushimit në Gaza dhe hapjen e rrugës për dërgimin e ndihmave humanitare në Rripin e Gazës”, tha diplomati i lartë iranian.

Në këtë bisedë telefonike, ministri i Jashtëm i Bullgarisë deklaroi gatishmërinë e Bullgarisë për avancimin e çështjeve në agjendën e marrëdhënieve dypalëshe dhe për zgjerimin e mëtejshëm të marrëdhënieve me Iranin.

Dy ministrat e jashtëm, të cilët të dy janë emëruar së fundmi në detyrën e tyre, uruan njëri-tjetrin për emërimet dhe diskutuan gjithashtu marrëdhëniet midis Iranit dhe Bullgarisë.

Të dy zyrtarët thanë se qeveritë e tyre respektive janë të interesuara për zhvillimin e lidhjeve dypalëshe Teheran-Sofie.