Ministri i Jashtëm iranian takohet me Presidentin e Turqisë
Ministri i Jashtëm i Republikës Islamike të Iranit dhe ministrat e jashtëm pjesëmarrës në takimin e Mekanizmit të Bashkëpunimit Rajonal të Kaukazit në Stamboll u takuan me Presidentin e Turqisë.
Sipas IRNA, Sejed Abbas Araghchi, ministri i Jashtëm i Republikës Islamike të Iranit dhe ministrat e jashtëm pjesëmarrës në takimin e Mekanizmit të Bashkëpunimit Rajonal të Kaukazit të njohur si grupi "3+3", u takua me presidentin turk Rexhep Tajip Erdogan në Stamboll. Në këtë takim, i cili u mbajt me praninë e ministrave të jashtëm të Iranit, Turqisë, Rusisë, Armenisë dhe Republikës së Azerbajxhanit, u diskutua zgjidhja e çështjeve të Kaukazit Jugor përmes dialogut dhe mbi mënyrat e zhvillimit dhe forcimit të bashkëpunimit dhe konvergjencës në rajon. Në këtë takim, Ministri i Punëve të Jashtme të Iranit përshëndeti progresin e bërë në procesin e bisedimeve të paqes ndërmjet Republikës së Azerbajxhanit dhe Armenisë dhe tha se respektimi i integritetit territorial, sovranitetit kombëtar, kufijve të njohur ndërkombëtarisht dhe shmangia e përdorimit të forcës ose e kërcënimit është një faktor i rëndësishëm për paqe të qëndrueshme në rajon. Araghchi gjithashtu përmendi vazhdimin e krimeve barbare të regjimit sionist në Gaza dhe Liban dhe bëri thirrje për masa serioze nga komuniteti ndërkombëtar për të ndaluar vazhdimin e gjenocidit në Gaza nga ky regjim dhe theksoi nevojën për dërgimin e menjëhershëm të ndihmave humanitare për banorët e Gazës dhe Libanit. Të premten në mëngjes, Araghchi mbërriti në Stamboll të Turqisë, për të marrë pjesë në raundin e tretë të takimeve kushtuar Kaukazit Jugor. Ministri i Jashtëm i Republikës Islamike të Iranit më parë, në përputhje me konsultimet rajonale dhe lëvizjet diplomatike të Republikës Islamike të Iranit në lidhje me zhvillimet e fundit në Gaza dhe Liban dhe përpjekjet për të ndaluar krimet e regjimit sionist në Liban, vizitoi Sirinë, Arabinë Saudite, Katarin, Irakun, Omanin, Jordaninë dhe Egjiptin ku diskutoi me zyrtarë të lartë të këtyre vendeve. Stambolli ishte destinacioni i nëntë i turneut rajonal të ministrit të jashtëm.
