Irani kërkoi një mbledhje urgjente të Këshillit të Sigurimit

Pas sulmit të fundit të regjimit sionist ndaj qendrave ushtarake të Iranit, Irani i kërkoi kreut të Këshillit të Sigurimit të Kombeve të Bashkuara të mbajë një takim urgjent për t'u marrë me këtë çështje dhe për të siguruar që regjimi sionist të përgjigjet për veprimet e tij.

Sipas agjencisë së lajmeve Mehr, ministri i Jashtëm i Iranit, Seyyed Abbas Araghchi, të shtunën në një letër drejtuar Sekretarit të Përgjithshëm të OKB-së dhe Këshillit të Sigurimit dënoi agresionin e regjimit sionist. Në përputhje me parimet e përfshira në Kartën e Kombeve të Bashkuara dhe sipas ligjit ndërkombëtar, Republika Islamike e Iranit rezervon të drejtën e saj të natyrshme për t'iu përgjigjur ligjërisht këtyre sulmeve kriminale në kohën e duhur. Seyyed Abbas Araghchi në këtë letër ka thënë: Duke marrë parasysh pasojat e sulmeve të vazhdueshme të regjimit sionist, Republika Islamike e Iranit i kërkon Sekretarit të Përgjithshëm të Kombeve të Bashkuara dhe Këshillit të Sigurimit që të marrë një qëndrim vendimtar për të dënuar ashpër këto veprime agresive të regjimit sionist dhe t’i tregojë komunitetit ndërkombëtar se shkelje të tilla flagrante të së drejtës ndërkombëtare dhe të Kartës së OKB-së nuk do të mbeten pa përgjigje. Ministri i Jashtëm i Iranit deklaroi: Republika Islamike e Iranit gjithashtu i kërkon Presidentit të Këshillit të Sigurimit që të mbajë një takim urgjent për t'u marrë me këtë shkelje të rëndë dhe këto veprime të paligjshme dhe të sigurojë që ky regjim kriminal do të mbajë përgjegjësi për sulmet e djeshme ndaj Iranit. Katër oficerë të ushtrisë iraniane me guxim dhanë jetën e tyre për të mbrojtur sigurinë kombëtare të vendit dhe ranë dëshmorë.