Irani: Qëndrimi i BE-së  është thjesht hipokrizi

Duke iu drejtuar shefit të politikës së jashtme të Bashkimit Evropian, Josep Borrell, ministri i jashtëm iranian Abbas Araghchi tha: "A keni ndonjë mendim në lidhje me miratimin e masave nga Bashkimi Evropian për të mbështetur familjet e atyre që u vranë nga Jamshid Sharmahd? Nëse nuk keni një përgjigje, duhet thënë se Evropa është vetëm një simbol i hipokrizisë”.

"Më pëlqen t'ju besoj kur thoni se jeta dhe dinjiteti njerëzor duhet të mbrohen. Çështja është se bashkëpunëtorët tuaj evropianë mbështesin pa turp gjenocidin në Gaza dhe masakrën në Liban," shkroi Araghchi në llogarinë e tij X në reagim ndaj komenteve të mëparshme të Borrell për ekzekutimin e një terroristi iraniano-gjerman Jamshid Sharmahd.

Ministri i Jashtëm iranian pyeti: "A ka ndonjë veprim të BE-së për t'i dhënë fund vrasjes së më shumë se 50 mijë palestinezëve në Gaza?"

Ai më tej pyeti se a ka ndonjë masë të BE-së për të lejuar 1.5 milion refugjatë në Liban të kthehen në shtëpitë e tyre?

"A ka ndonjë masë të BE-së për të mbështetur familjet e të vrarëve nga Jamshid Sharmahd? Nëse jo, qëndrimi i BE-së  është thjesht hipokrizi," shtoi Araghchi.

Shefi i politikës së jashtme të Bashkimit Evropian thuhet se kishte dënuar ekzekutimin e Jamshid Sharmahd autorit të aktit terrorist të shpërthimit të një xhamie në Shiraz në vitin 2008 dhe pohoi se Bashkimi Evropian po shqyrton masat në përgjigje të kësaj çështjeje.

Sharmahd ishte drejtuesi i një grupi anti-iranian me bazë në Shtetet e Bashkuara, i akuzuar nga Irani për planifikimin dhe ekzekutimin e një sërë sulmesh terroriste në tokën iraniane.