SCO dënon ashpër agresionin izraelit kundër Iranit
Përfaqësuesit e vendeve anëtare të Organizatës së Bashkëpunimit të Shangait (SCO) kanë dënuar agresionin e regjimit izraelit kundër objekteve ushtarake të Iranit.
Pas aktit të fundit të agresionit nga regjimi sionist, Organizata e Bashkëpunimit të Shangait (SCO) u mblodh më 31 tetor 2024, me të pranishëm të gjithë përfaqësuesit e përhershëm të shteteve anëtare të saj dhe lëshoi një deklaratë në lidhje me këtë çështje.
Gjatë takimit urgjent katërorësh të thirrur nga Irani, përfaqësuesit e vendeve anëtare lëshuan një deklaratë duke dënuar ashpër aktin e agresionit izraelit.
Shtetet anëtare shprehën shqetësimin e tyre për tensionet në rritje në rajon, të cilat kërcënojnë paqen dhe sigurinë ndërkombëtare, dhe kërkuan zbatimin e masave efektive për stabilizimin e situatës.
Gjatë takimit, Përfaqësuesi i Përhershëm i Iranit në Organizatën e Bashkëpunimit të Shangait, Mohammad Rasoul Jafari, foli për shkaqet e situatës aktuale, duke ia atribuar ato pushtimit të tokës palestineze dhe gjenocidit të regjimi sionist ndaj palestinezëve.
Ai theksoi veçanërisht krimet brutale të regjimit sionist kundër popullatës civile të Gazës, të cilat rezultuan në vdekjen e rreth 50,000 banorëve të Rripit të Gazës.
Jafari bëri thirrje për një dënim të ashpër të veprimeve të regjimit izraelit dhe theksoi nevojën për të parandaluar vazhdimin e këtyre krimeve.
Në një deklaratë të publikuar në faqen e internetit të SCO thuhet: "Shtetet anëtare të SCO dënojnë fuqishëm sulmin ndaj objekteve ushtarake të Republikës Islamike të Iranit që ndodhi më 26 tetor 2024". Shtetet anëtare shprehën shqetësim të thellë për situatën e rëndë në Lindjen e Mesme, e cila përbën një kërcënim të rëndësishëm për paqen, sigurinë dhe stabilitetin ndërkombëtar.
