Araghchi: Evropianët shprehën dëshirën e tyre për të filluar negociatat bërthamore

Ministri i Jashtëm i Iranit deklaroi se aktualisht ka një shprehje të interesit nga vendet evropiane për të rifilluar negociatat bërthamore.

 Ndoshta do ta bëjmë këtë së shpejti, tha ai. Sipas IRNA, Sejed Abbas Araghçi, Ministri i Punëve të Jashtme i Republikës Islamike të Iranit, në një intervistë televizive tha se Teherani është i gatshëm për çdo skenar dhe shtoi:  Rruga bërthamore e Iranit në vitin e ardhshëm do të jetë e ndjeshme dhe e ndërlikuar dhe ka përgatitje për çdo rast. Araghchi gjithashtu lidhur me udhëtimet e tij rajonale deklaroi: Në rrethanat e krijuara pas martirizimit të Sejed Hassan Nasrallah, Sekretarit të Përgjithshëm të Hezbollahut në Liban, për të qetësuar miqtë tanë në frontin e rezistencës dhe Hezbollahun ishte e nevojshme që të tregonim mbështetjen e Republikës Islamike të Iranit ndaj rezistencës duke qenë të pranishëm në skenë.  Republika Islamike e Iranit është ende mbështetëse e tyre dhe me këtë vetëbesimi i tyre do të ringjallet. Ministri i Jashtëm i Iranit deklaroi se në rajonin e Azisë Perëndimore është krijuar një mirëkuptim dhe shqetësim i përbashkët lidhur me kërcënimet e regjimit sionist.  Në samitin e vendeve arabe dhe islamike në Riad, pamë dënimin e këtij regjimi nga Mohammed bin Salman, princi i kurorës së Arabisë Saudite. Kreu i shërbimit diplomatik të Iranit sa i përket pretendimit për takimin e Elon Musk me përfaqësuesin e Iranit në Kombet e Bashkuara tha: Kjo definitivisht nuk ka ndodhur dhe është thjesht një lajm i mediave amerikane. Araghchi gjithashtu për opsionet e kabinetit qeveritar amerikan tha: Irani i përshtat politikat e tij sipas interesave të veta dhe nuk u kushton shumë rëndësi këtyre deklaratave.