Seriali iranian "Në fund të natës" shkëlqen në Festivalin Series Mania

Pars Today - Seriali iranian "Në fund të natës" fitoi çmimin e regjisurës më të mirë në Festivalin Ndërkombëtar Series Mania.

Festivali Series Mania u mbajt në Lille të Francës, nga data 21 deri më 28 mars 2025.

Sipas Pars Today, filmi serial iranian "Në fund të natës", me regji të Aida Panahandeh, mori çmimin e regjisorit më të mirë nga Festivali Ndërkombëtar Series Mania.

Në ceremoninë e mbylljes së festivalit Series Mania, i cili u mbajt mbrëmjen e së premtes në Lille të Francës, seriali "Në fund të natës" fitoi çmimin e regjisorit më të mirë, duke konkurruar me seriale nga Anglia, Danimarka, Koreja e Jugut dhe Norvegjia.

Festivali Series Mania njihet tashmë si një nga festivalet më të rëndësishme të serialeve në botë. Këtë vit, më shumë se 460 filma serialë nga 48 shtete të botës aplikuan për të marrë pjesë në seksione të ndryshme të konkurrimit.

Seriali "Në fund të natës" ishte i vetmi serial iranian dhe i vetmi serial i Azisë Perëndimore që u përzgjodh nga komisioni përzgjedhës për të hyrë në seksionin e Konkurrencës Ndërkombëtare Panorama dhe mori Çmimin Special të Regjisorit në ceremoninë e mbylljes së Festivalit Series Mania.

Festivali Series Mania është pritur veçanërisht mirë nga publiku dhe prania e një publiku prej 100,000 spektatorëve dhe 5,000 ekspertëve nga industria e kinemasë dhe televizionit në seksione të specializuara si seminare, work shop-e, konferenca dhe tregu i blerjes dhe shitjes së serialeve, tregon suksesin e veçantë të këtij festivali në tërheqjen e audiencës.

Seriali "Në fund të natës" është një dramë familjare dhe sociale që ka në fokus jetën e një çifti iranian të klasës së mesme të shoqërisë.