Ministri i Jashtëm i Iranit paralajmëron ëndërrimtarët fëmijëvrasës të Tel Avivit

Pars Today - Ministri i Jashtëm i Iranit, nëpërmjet një mesazhi të qartë, i paralajmëroi aleatët e regjimit sionist në Amerikë.

Sipas Pars Today, Ministri i Jashtëm i Iranit Seyed Abbas Araghchi, të hënën, në rrjetin social X, i paralajmëroi në mënyrë të qartë aleatët e regjimit sionist në Shtetet e Bashkuara të Amerikës se nuk ka asnjë zgjidhje ushtarake kundër Iranit dhe se Teherani do t'i përgjigjet menjëherë dhe në formë të ngjashme çdo sulmi ushtarak.

Araghchi shkroi: “Fantazia e Izraelit, i cili mendon se mund t’i diktojë Iranit se çfarë të bëjë, është larg realitetit”.

Duke kritikuar deklaratat e kryeministrit të regjimit sionist Benjamin Netanyahu, i cili kërkon të ndikojë në politikën e jashtme të administratës Donald Trump ndaj Iranit, ai shtoi: “Paturpësia e Netanyahut është e jashtëzakonshme në atë që ai dëshiron t'i diktojë presidentit Trump se çfarë të bëjë në diplomacinë me Iranin”.

Duke iu referuar negociatave indirekte të Teheranit me administratën Trump, ministri i Jashtëm i Iranit deklaroi se aleatët e Netanyahut në stafin e ish-administratës Biden po i portretizojnë gabimisht këto bisedime si një përpjekje për të ringjallur marrëveshjen e mëparshme bërthamore (JCPOA).

Ai theksoi: “Irani është mjaftueshëm i fuqishëm për të penguar përpjekjet e keqbërësve të huaj për të sabotuar ose diktuar politikën e tij të jashtme”.

Araghchi, gjithashtu, duke deklaruar se shumë iranianë nuk kanë më siguri në lidhje me përshtatshmërinë e JCPOA-së dhe se po kërkojnë përfitime të prekshme, shtoi: “Nuk ka asnjë alternativë ushtarake kundër Iranit dhe çdo sulm do të përballet me një përgjigje të menjëhershme dhe të ngjashme”.