Irani për herë të parë godet regjimin sionist me raketën balistike Khyber-Shakan

Pars Today - Departamenti i Marrëdhënieve me Publikun i Korpusit të Gardës Revolucionare Islamike njoftoi lëshimin e raketës balistike Khyber-Shakan për herë të parë në valën e 20-të të Operacionit Premtimi i Vërtetë 3.

Sipas Pars Today, duke cituar IRNA-n, teksti i njoftimit Nr. 16 të Departamentit të Marrëdhënieve me Publikun të Korpusit të Gardës Revolucionare Islamike është si më poshtë:

Në emër të Zotit, Mëshiruesit, Fuqiplotë

Vala e 20-të e Operacionit Premtimi i Vërtetë 3 filloi me lëshimin e 40 raketave me lëndë djegëse të ngurtë dhe të lëngshme. Në këtë operacion, raketa balistike Khyber-Shakan, që është brezi i tretë i raketave hapësinore të IRGC-së, u përdor për herë të parë. Në këtë operacion u përdorën taktika të reja dhe të papritura për të dhënë goditje më të sakta, shkatërruese dhe efektive. Aeroporti Ben Gurion, qendra e kërkimit biologjik të regjimit dhe qendrat sekondare të komandës dhe kontrollit, u goditën në këtë valë nga raketa të drejtuara, të cilat janë afta për të manovruar kokën luftarake gjatë uljes deri në momentin e shpërthimit dhe për të ruajtur kokat luftarake me shpërthim të lartë dhe shkatërruese. Këtë herë, sirenat e alarmit u dëgjuan në të gjithë territoret e pushtuara pas goditjeve precize dhe e kanë nxjerrë armikun nga ekuilibri. Ne njoftojmë se pjesët kryesore të kapacitetit të forcave të armatosura të Republikës Islamike të Iranit në këtë mbrojtje të shenjtë nuk janë vënë ende në funksion.