Putin: Sulmet ndaj Iranit janë një agresion pa shkak dhe i pajustifikuar

ParsToday - Presidenti i Rusisë në një takim me ministrin e Jashtëm iranian, deklaroi qartë edhe një herë qëndrimet e Moskës në dënimin e sulmeve të SHBA-së dhe sionistëve ndaj Iranit dhe theksoi: “Këto sulme janë një agresion pa shkak dhe i pajustifikuar”.

Sipas ParsToday, duke cituar IRNA-n, presidenti i Rusisë, Vladimir Putin të hënën në një takim me ministrin e Jashtëm iranian Sejed Abbas Araghchi në Kremlin deklaroi: “Agresioni pa shkak i regjimit sionist, i shoqëruar nga SHBA-të, kundër Iranit nuk ka kurrfarë baze”.

Vladimir Putin duke thënë se Rusia ka marrëdhënie të gjata, të mira dhe të besueshme me Iranin, deklaroi: “Moska po përpiqet të bëjë pjesën e saj për të ndihmuar Iranin të përfundojë luftën”.

Ministri i Jashtëm iranian i përcolli gjithashtu përshëndetjet e udhëheqësit të Revolucionit Islamik dhe presidentit të Iranit, presidentit të Rusisë, dhe vlerësoi qëndrimet e Moskës pas agresionit ushtarak të SHBA-së dhe sionistëve kundër Iranit.

Duke shprehur kënaqësinë e tij për takimin me Putin, Araghchi tha: "Marrëdhëniet Iran-Rusi janë të ngushta dhe të vjetra dhe janë përmirësuar në një dimension strategjik vitet e fundit".

Ministri i Jashtëm iranian i quajti gjithashtu veprimet agresive të Izraelit dhe Shteteve të Bashkuara të Amerikës kundër Iranit plotësisht të paligjshme dhe në shkelje të ligjeve dhe normave ndërkombëtare, dhe theksoi se Irani është i vendosur të mbrojë sovranitetin dhe integritetin e tij territorial.

Shtetet e Bashkuara të Amerikës iu bashkuan luftës së Netanyahut kundër Iranit të dielën në mëngjes (22 qershor) duke sulmuar tre centralet bërthamore të Fordow, Natanz dhe Isfahan.

Pas këtij veprimi, Sejed Abbas Araghchi, ministri i Jashtëm i Republikës Islamike të Iranit, lëshoi ​​një mesazh duke theksuar: “Bazuar në Kartën e Kombeve të Bashkuara dhe dispozitat e saj që lejojnë një kundërpërgjigje legjitime brenda kornizës për vetëmbrojtje, Irani rezervon të gjitha opsionet për të mbrojtur sovranitetin, interesat dhe popullin e tij”.

Organizata e Energjisë Atomike e Iranit njoftoi gjithashtu në një deklaratë se centralet bërthamore në Fordow, Natanz dhe Isfahan u sulmuan nga armiqtë e Iranit Islamik në një akt barbar që shkeli ligjin ndërkombëtar, veçanërisht Traktatin e Mospërhapjes së Armëve Bërthamore (NPT), dhe theksoi: "Ne nuk do të lejojmë që zhvillimi i kësaj industrie kombëtare të ndalet".

Korpusi i Gardës së Revolucionit Islamik njoftoi gjithashtu fillimin e valës së njëzetë të sulmeve të kombinuara me raketa dhe dronë kundër objektivave ushtarake dhe qendrave industriale të lidhura me industrinë ushtarake në qytetet Haifa dhe Tel Aviv. Në mëngjesin e së premtes, më 13 qershor, një numër komandantësh ushtarakë, shkencëtarësh dhe civilësh u martirizuan kur regjimi sionist nisi një sulm ndaj Teheranit dhe një numri qytetesh iraniane.