Ekonomia dixhitale | Irani përqendrohet në zhvillimin e infrastrukturës së inteligjencës artificiale

ParsToday – Sekretari për politika dhe planifikim në Ministrinë e Komunikimit dhe Teknologjisë së Informacionit të Republikës Islamike të Iranit njoftoi fokusin e kësaj ministrie në zhvillimin e infrastrukturës së inteligjencës artificiale.

Sipas ParsToday, Ehsan Chitsaz, sekretar për politika dhe planifikim në Ministrinë r Komunikacionit dhe Teknologjisë së Informacionit të Iranit, në takimin e panairit të parë të inteligjencës artificiale të Iranit, duke theksuar rolin strategjik të inteligjencës artificiale në të ardhmen e ekonomisë dixhitale të Iranit, deklaroi: "Korniza për aktivitetet e operatorëve të inteligjencës artificiale është miratuar nga kabineti qeveritar, dhe Ministria e Komunikimit në qeverinë e 14-të po ndjek seriozisht zhvillimin e infrastrukturës së inteligjencës artificiale si boshtin e rritjes së pjesës së ekonomisë dixhitale në produktin kombëtar bruto". Chitsaz shtoi: "Irani ka nevojë për të paktën 10 miliardë dollarë investime për të rritur pjesën e ekonomisë dixhitale në produktin kombëtar bruto nga rreth 4 përqind në 10 përqind".

Franca dhe Gjermania bashkohen për t'i shpëtuar hijes së gjigantëve amerikanë të teknologjisë

Në lajme të tjera, samiti i përbashkët franko-gjerman në Berlin ishte një pikë kthese në debatin mbi qeverisjen dixhitale evropiane, ku dy fuqitë kryesore të Bashkimit Evropian folën në mënyrë të qartë për uljen e varësisë nga teknologjitë amerikane dhe kineze. Ky zhvillim tregon se dy fuqitë kryesore të Bashkimit Evropian po kërkojnë një përpjekje serioze, të koordinuar dhe të strukturuar për të ulur varësinë e bllokut nga gjigantët amerikanë të teknologjisë dhe për të konsoliduar sovranitetin e tyre dixhital.

Në këtë drejtim, kancelari gjerman Friedrich Merz tha gjatë një takimi të përbashkët midis Gjermanisë dhe Francës në Berlin: "Ne duam të flasim me një zë evropian dhe të punojmë drejt një qëllimi të përbashkët; një qëllim që është sovraniteti dixhital evropian". Ndërprerjet e fundit në shërbimet e ofruesve kryesorë të "Cloud Computing" në SHBA, së bashku me mungesat e gjera në industrinë e çipave, kanë treguar qartë se Evropa është e varur nga teknologjitë dixhitale të importuara nga Kina dhe SHBA-ja. Këto varësi në shumë raste janë bërë një mjet për "politikën e fuqisë". Ndërkohë, presidenti francez Emmanuel Macron deklaroi gjithashtu me një ton të qartë në takim: "Evropa nuk dëshiron të jetë kliente e sipërmarrësve të mëdhenj ose e zgjidhjeve të mëdha; as nga SHBA-ja dhe as nga Kina."

Rusia fillon të paguajë pagat e qeverisë me rubla dixhitale

Në një zhvillim tjetër, Rusia ka ndërmarrë një hap të ri drejt dixhitalizimit të sistemit të saj financiar, duke filluar të përdorë rublën dixhitale në pagesat qeveritare. Pagesat në rublën dixhitale, monedhën dixhitale të Bankës Qendrore të Rusisë (CBDC), vijnë ndërsa Moska përgatitet të zbatojë monedhën dixhitale në të gjithë vendin në muajt e ardhshëm.

Rreziku i përmbajtjes së inteligjencës artificiale me cilësi të dobët për ekonominë globale

Gazeta britanike "The Guardian" paralajmëroi gjithashtu në një raport të ri analitik se prodhimi masiv i përmbajtjes me cilësi të ulët me inteligjencë artificiale po kërcënon ekonominë globale. Sipas raportit, prodhimi masiv i përmbajtjes me cilësi të ulët me inteligjencë artificiale, i njohur si "slop", mund të çojë në një riorganizim serioz të industrisë në vitin 2026, me pasoja që shtrihen përtej kompanive të teknologjisë dhe ndikojnë në ekonominë globale. Fjalori i anglishtes Webster ka zgjedhur fjalën "slop" si fjalën e vitit për vitin 2025, duke e përcaktuar atë si përmbajtje dixhitale me cilësi të ulët që zakonisht prodhohet me shumicë duke përdorur inteligjencën artificiale. Sipas raportit, megjithëse menaxherët e kompanive e kanë mirëpritur industrinë e inteligjencës artificiale me shpresën e uljes së kostove të burimeve njerëzore, pasojat e saj negative janë bërë gradualisht të dukshme.