Irani në mesin e 10 vendeve më të mira turistike në botë

ParsToday — Zëvendësministri i Trashëgimisë Kulturore, Turizmit dhe Artizanatit të Iranit tha: Irani, me 30 vepra të regjistruara në 113 site botërore, renditet ndër 10 vendet më të mira në botë për sa i përket regjistrimit të veprave në Listën e Trashëgimisë Botërore dhe, në fushën e trashëgimisë jomateriale, është ndër katër vendet e para në botë.

Sipas ParsToday,  Ali Darabi tha: "Irani është një vend me një histori shtatë mijëvjeçare, ku ndodhen rreth një milion vepra dhe objekte historike dhe deri më tani janë regjistruar 43 mijë vepra".

Ai shtoi: "Irani, përveç veprave historike dhe kulturore, ka kapacitete të gjera edhe në fushën e trashëgimisë jomateriale dhe pozita e Iranit në regjistrimin botëror të kësaj trashëgimie tregon thellësinë dhe larminë e kulturës iraniane".

Ai e cilësoi arritjen e 17 milionë turistëve të huaj si objektivin e Iranit dhe tha: "Për realizimin e këtij objektivi, është e domosdoshme promovimi i kapaciteteve turistike dhe krijimi i infrastrukturës së nevojshme".