Bagheri: Çështja e rezervave të uraniumit nuk është në axhendën e negociatave

ParsToday – Zv/sekretari i Politikës së Jashtme dhe Sigurisë Ndërkombëtare i Këshillit Suprem të Sigurisë Kombëtare të Iranit theksoi: “Çështja e rezervave të uraniumit të pasuruar të Iranit nuk është në axhendën e negociatave”.

Sipas ParsToday, Ali Bagheri, Zv/sekretari për Politikën e Jashtme dhe Sigurinë Ndërkombëtare i Këshillit Suprem të Sigurisë Kombëtare të Iranit, të mërkurën udhëtoi për në Rusi për të marrë pjesë në Konferencën e 14-të Ndërkombëtare të Zyrtarëve të Lartë të Sigurisë. Në margjinat e takimit, në përgjigje të një pyetjeje në lidhje me fatin e rezervave të uraniumit të pasuruar të Iranit, ai tha: "Kjo çështje nuk është në axhendën e negociatave".

Deklaratat e Bagheri-t erdhën në një kohë kur zëdhënësi i Ministrisë së Jashtme Iraniane, Esmail Baghaei, më parë në lidhje me fatin e 400 kilogramëve uranium të pasuruar 60 për qind, kishte deklaruar: "Detyra është shumë e qartë në lidhje me çështjet bërthamore. Ne jemi anëtar i traktatit NPT dhe si anëtar, kemi të drejtë të përdorim energjinë bërthamore për qëllime paqësore”.

Ai vazhdoi: "Ne gjithashtu i kemi bërë shumë të qarta qëndrimet tona në lidhje me uraniumin e pasuruar të Iranit. Nëse do të diskutonim detajet e këtyre çështjeve në këtë fazë, nuk do të arrinim në një përfundim. Sepse e kemi ndjekur këtë rrugë më parë dhe dallimet në qëndrime ishin aq të mëdha sa nuk mundëm të arrinim në një përfundim”.

Në këtë situatë, disa media perëndimore, si CNN, raportuan se presidenti i SHBA-së theksoi se uraniumi i pasuruar i Iranit duhet të shkatërrohet përpara se të përmbushen kërkesat financiare të Iranit.

Kërkoni video, na ndiqni: https://t.me/ParsTodayshqip