Gharibabadi: Grossi është plotësisht në dispozicion të Amerikës dhe Perëndimit

ParsToday - Zëvendësministri i Jashtëm i Iranit për Çështjet Ligjore dhe Ndërkombëtare ka reaguar ndaj raportit të ri të Agjencisë Ndërkombëtare të Energjisë Atomike kundër programit bërthamor paqësor të Iranit dhe ka thënë: "Nëse ANEA dëshiron të jetë pjesë e një zgjidhjeje diplomatike, duhet të shmangë shndërrimin e raportit teknik në një mjet presioni politik”.

Sipas ParsToday, duke cituar IRNA-n, Kazem Gharibabadi, Zëvendësministri i Jashtëm për Çështjet Ligjore dhe Ndërkombëtare të Iranit, të shtunën, pas publikimit të raportit të fundit nga Agjencia Ndërkombëtare e Energjisë Atomike dhe deklaratave mediatike të Drejtorit të saj të Përgjithshëm në lidhje me mungesën e aksesit në disa objekte të dëmtuara, statusin e rezervave të uraniumit dhe çështjen e të ashtuquajturës "humbje të vazhdimësisë së njohurive" në programin bërthamor të Iranit, tha: "Z. Rafael Grossi, Drejtor i Përgjithshëm i Agjencisë, flet për "paqartësi", "mungesë aksesi" dhe "humbje të vazhdimësisë së njohurive". Por kjo situatë nuk është krijuar në një vakum. Objektet bërthamore nën masa mbrojtëse u vunë në shënjestër të sulmeve ushtarake nga SHBA-të dhe regjimi izraelit. Drejtori i Përgjithshëm i ANEA-së, i cili tregoi se është plotësisht në dispozicion të SHBA-së dhe Perëndimit, për fat të keq nuk i dënoi kurrë këto sulme. Është e pamundur të injorohet burimi i konfliktit dhe pastaj të formulohen pasojat e të njëjtit konfliktit kundër Iranit”.

Gharibabadi shtoi: "Nëse çështja është verifikimi dhe mospërhapja e armëve bërthamore, pritja e parë nga Drejtori i Përgjithshëm i ANEA është të marrë një qëndrim të qartë dhe ligjor kundër sulmit ndaj objekteve nën masa mbrojtëse. Një sulm i tillë nuk është vetëm një shkelje e sovranitetit të Iranit; është një goditje e drejtpërdrejtë ndaj sigurisë bërthamore, sistemit të masave mbrojtëse dhe besueshmërisë së regjimit të mospërhapjes së armëve bërthamore. A ka Drejtori i Përgjithshëm guximin që më në fund të marrë një qëndrim kundër këtij veprimi që shkel ligjin ndërkombëtar dhe Kartën e Kombeve të Bashkuara? Me këtë qasje dhe varësi politike, si mundet personi i emëruar, i cili është gjithashtu kandidat për pozicionin e Sekretarit të Përgjithshëm të Kombeve të Bashkuara, ta menaxhojë këtë organizatë të rëndësishme në mënyrë të pavarur dhe profesionale?!"

Ai shtoi: "Përsëritja e numrit "60 përqind" dhe propozimi i skenarëve të mundshëm në lidhje me armët, pa një shpjegim të detajuar të kuadrit ligjor, është më shumë politike sesa teknike. Traktati NPT nuk përcakton një kufi numerik për përqindjen e pasurimit; kriteri ligjor është mosdevijimi i materialeve dhe aktiviteteve bërthamore drejt qëllimeve ushtarake, programi bërthamor i Iranit është paqësor dhe Irani ka vepruar brenda kuadrit të detyrimeve të tij ligjore”.

Gharibabadi theksoi: “Nëse ANEA dëshiron të jetë pjesë e një zgjidhjeje diplomatike, ajo duhet të shmangë shndërrimin e raportit teknik në një mjet presioni politik. Masat mbrojtëse nuk forcohen nga veprimet ushtarake, kërcënimet dhe marrja e rezolutave; ato forcohen nga paanshmëria, pajtueshmëria me të drejtën ndërkombëtare, respekti për sovranitetin e shteteve dhe dënimi i qartë i sulmeve ndaj objekteve nën mbikëqyrjen e ANEA-së. Objektet nën masa mbrojtëse të ANEA-së nuk mund të bombardohen, qasja dhe siguria e nevojshme për inspektime nuk mund të shkatërrohen, dhe më pas pasojat e të njëjtit sulm të përdoren si pretekst kundër Iranit”.

Kërkoni video, na ndiqni: https://t.me/ParsTodayshqip