Baghaei: Evropa duhet të mbahet përgjegjëse

ParsToday - Zëdhënësi i Ministrisë së Punëve të Jashtme të Republikës Islamike të Iranit reagoi në një mesazh ndaj deklaratave të përsëritura të sekretarit të Përgjithshëm të NATO-s në lidhje me pjesëmarrjen e Evropës në luftën e imponuar SHBA-Izrael kundër Iranit dhe theksoi: “Evropa duhet të mbahet përgjegjëse”.

Sipas ParsToday, Esmail Baghaei, zëdhënës i Ministrisë së Punëve të Jashtme të Republikës Islamike të Iranit, në një mesazh në mediat sociale në përgjigje të deklaratave të sekretarit të Përgjithshëm të NATO-s, Mark Rutte, i cili foli edhe një herë me krenari për pjesëmarrjen e shteteve evropiane në luftën e paligjshme amerikano-sioniste kundër kombit iranian, në rrjetin X shkroi: “Pohimet e përsëritura të Mark Rutte për pjesëmarrjen e shteteve evropiane në agresionin ushtarak kundër Iranit, konfirmojnë edhe një herë se Evropa nuk ishte neutrale në këtë luftë agresive. Palët që ofruan territorin, bazat dhe infrastrukturën e tyre në Evropë për agresionin ushtarak amerikano-izraelit nuk mund t'i shmangen përgjegjësisë për bashkëpunimin e tyre dhe pasojat që rrjedhin prej tij”.

Ai shtoi: "Por kjo mburrje e pandërprerë për t'i shërbyer agresorit amerikan dhe luftës së tij agresive, në vend që të jetë një shenjë force dhe vetëbesimi, shfaq mentalitetin e një oborrtari lajkatar i cili mendon se lajkat mund ta ndryshojnë shikimin përbuzës të mbretit. Problemi është se lajkat nuk mund ta bëjnë një organizatë që Uashingtoni e konsideron joefektive të duket efikase, as nuk mund të kompensojnë mungesën e vetëvlerësimit të lajkatarit".

Kërkoni video, na ndiqni: https://t.me/ParsTodayshqip