Rritje me 22 për qind e tregtisë mes Iranit dhe Euroazisë

Pars Today - Drejtoresha e Departamentit të Marrëveshjeve Tregtare dhe Organizatave Ndërkombëtare të Organizatës së Zhvillimit të Tregtisë së Iranit tha se, pavarësisht sfidave të shumta dhe ndikimit të tensioneve rajonale, vëllimi i shkëmbimeve tregtare mes Iranit dhe Bashkimit Ekonomik Euroaziatik vitin e kaluar (1404 sipas kalendarit diellor hixhri) u rrit me 22 për qind, duke arritur në 7.3 miliardë dollarë.

Sipas Pars Today, duke cituar Agjencinë e Lajmeve të Radio-Televizionit të Republikës Islamike të Iranit (IRIB), Elham Haxhi-Karimi të mërkurën, në takimin e parë të specializuar të Republikës Islamike të Iranit dhe Bashkimit Ekonomik Euroaziatik, me temë zhvillimin e bashkëpunimit industrial dhe industrial-bujqësor, duke iu referuar pjesës së konsiderueshme të produkteve bujqësore në eksportet e Iranit, e konsideroi zhvillimin e eksporteve të mallrave industriale dhe produkteve me vlerë të lartë të shtuar si një nga prioritetet e vendit dhe shtoi: Pajisjet shtëpiake, tekstilet dhe veshjet, automjetet dhe pjesët e këmbimit, makineritë, ilaçet dhe pajisjet mjekësore janë ndër fushat që kanë potencial për rritjen e eksporteve në tregjet euroaziatike.

Në këtë takim, përfaqësuesit e Iranit dhe të Bashkimit Ekonomik Euroaziatik diskutuan për kapacitetet për investime të përbashkëta, zhvillimin e zinxhirëve të vlerës dhe rritjen e bashkëpunimit mes prodhuesve të të dyja palëve. Energjia, industritë kimike dhe petrokimike, minierat, makineritë, çeliku, transporti dhe industritë e përparuara u përmendën si fusha me potencial për bashkëpunim.

Gjithashtu, u theksua kalimi nga tregtia e thjeshtë e mallrave drejt prodhimit të përbashkët, transferimit të teknologjisë dhe pjesëmarrjes në zinxhirët rajonalë të vlerës, ndërsa u shqyrtuan disa pengesa teknike dhe jotarifore, përfshirë standardet teknike, certifikimin hallall dhe çështjet laboratorike e veterinare.

(Kërkoni video, na ndiqni: https://t.me/ParsTodayshqip)