Serbia dëshiron zgjerimin e marrëdhënieve me Iranin

Kryetari i Bashkisë së Beogradit shprehu dëshirën e Serbisë për zgjerimin e marrëdhënieve me Iranin.

Sinisha Mali në prag të vizitës së tij në Teheran tha se qëllimi i kësaj vizite është forcimi i bashkëpunimit mes Bashkive të Teheranit dhe Beogradit, sepse ky bashkëpunim ndikon në thellimin e marrëdhënieve mes Iranit dhe Serbisë. Kryetari i Bashkisë së Beogradit shprehu kënaqësinë për rritjen e madhe të numrit të turistëve iranianë në Beograd dhe qytete të tjera të Serbisë dhe shtoi se vendosja e linjës ajrore Teheran-Beograd do të ndikojë në shtimin e numrit të turistëve iranianë.