Qeveria iraniane krijon mbi 2 milion vende pune

Gjatë periudhës së qeverisë së drejtuar nga presidenti Hasan Ruhani, janë krijuar rreth 2 milion vende pune.

Ali Rabii ministër i kooperativave, punës dhe mirëqenies sociale, në ceremoninë e hapjes së konkursit për talentet kombëtare tha: Një prej prioriteteve të qeverisë iraniane është ulja e nivelit të papunësisë dhe në këtë kuadër janë krijuar 1.9 milion vende të reja pune dhe është kontrolluar inflacioni si dy nga sukseset e qeverisë së 11-të iraniane. Qeveria iraniane me zbulimin e talenteve, uljen e normave të interesit për kreditë bankare dhe me mbështetjen e prodhimit vendas, synon të arrijë një rritje ekonomike prej 8%. Ai ndër të tjera premtoi se qeveria do të punojë shumë për të krijuar vende pune për talentet që janë të nevojshëm për të ardhmen e vendit.