Irani mirëpret bisedimet e paqes në Jemen

Zëdhënësi i Ministrisë së jashtme të RII deklaroi se Irani mirëpret fillimin e raundit të ri të negociatave të paqes në Jemen.

Behram Kasemi, zëdhënësi i Ministrisë së jashtme të RII, duke mirëpritur armëpushimin dhe fillimin e negociatave të paqes mes palëve jemenase, theksoi se RII gjithmonë ka përkrahur zgjidhjen e krizës në Jemen nëpërmjet bisedimeve politike. Ai shtoi se Irani dëshiron që mosmarrëveshjet të zgjidhen me mjete paqësore, për të lehtësuar vuajtjet e popullit jemenas dhe për të hequr bllokadën çnjerëzore që i është imponuar këtij populli. Ministria e jashtme e Omanit të martën bëri të ditur se grupet jemenase kanë rënë dakord për rifillimin e bisedimeve të paqes me 17 nëntor.