Ruhani: Funerali i Hashemi Rafsanxhanit, shprehje e unitetit kombëtar

Presidenti i Republikës Islamike të Iranit shkoi sot në mauzoleun e Imam Khomeinit (ra) ku bëri homazhe për nder të kujtimit të Ajetollah Hashemi Rafsanxhanit dhe u lut për shpirtin e kryetarit të ndjerë të Këshillit të përcaktimit të interesave të sistemit të RII.

Dr. Hasan Ruhani, president i Republikës Islamike të Iranit, pasi vizitoi varret e Imam Khomeinit dhe të Ajetollah Hashemi Rafsanxhanit, deklaroi në prani të gazetarëve se sakrifica, vetëmohimi, përpjekjet e palodhura në shërbim të sistemit islamik e në veçanti, moderizmi, ekuilibri dhe largpamësia në çështje të ndryshme të shtetit, ishin karakteristika të veçanta të Ajetollah Hashemi Rafsanxhanit. Në vazhdim, presidenti iranian shtoi:” Funerali i Ajetollah Hashemi Rafsanxhanit ishte shprehje e qartë e unitetit kombëtar dhe populli iranian dëshmoi se është i gatshëm të ndjekë rrugën e këtij njeriu të madh. Presidenti i RII duke theksuar se vdekja e Ajetollah Rafsanxhanit ishte një humbje e madhe për popullin iranian, shtoi: “ Hashemi Rafsanxhani në të gjitha ditët e vështira të revolucionit dhe të lëvizjes islamike ishte një strehë për popullin iranian dhe ky popull e tregoi më së miri besnikërinë e tij ndaj shërbëtorëve të revolucionit dhe të sistemit të RII me pjesëmarrjen masive në funeralin e Ahetollah Hashemi Rafsanxhanit.”