Ruhani: S’ka pengesa për zgjerimin e marrëdhënieve mes Iranit dhe Portugalisë

Presidenti i RII deklaroi se Irani është i gatshëm për zgjerimin e marrëdhënieve të gjithanshme me të gjitha vendet e BE mes të cilave edhe me Portugalinë.

Dr. Hasan Ruhani, president i RII, priti sot ambasadorin e ri të Portugalisë në Teheran z. Zhoao Korte Ral, i cili dorëzoi letrat kredenciale. Në këtë takim presidenti iranian theksoi se në rrugën e zgjerimit të marrëdhënieve ekonomike, politike, kulturore, shkencore, teknologjike dhe universitare mes dy vendeve nuk ekziston asnjë pengesë. Nga ana e tij, ambasadori i ri i Portugalisë në Teheran theksoi se Lisbona është e vendosur për zgjerimin e marrëdhënieve me Teheranin në të gjithë fushat.