Prania në ujërat e lira, strategji e forcave detare të Iranit

Komandanti i forcave detare të ushtrisë së RII deklaroi se prania në ujërat e lira ndërkombëtare është pjesë e strategjisë së forcave detare të ushtrisë iraniane.

Admiral Habibollah Sajari, komandant i forcave detare të ushtrisë së Iranit, tha se prania e forcave detare iraniane në ujërat e lira ndërkombëtare e shton potencialin dhe forcën preventive të Iranit. “Prania në Gjirin Aden, në Ngushticën Malaka, në Oqeanin Indian dhe në Detin e Omanit ka bërë që e gjithë bota të njohë forcat detare të Iranit, të cilat mund të shërbejnë në mënyrë efikase në luftën kundër terrorizmit në ujërat ndërkombëtare”- deklaroi Admiral Habibollah Sajari.