Mbyllen të gjitha vendvotimet në zgjedhjet presidenciale në Iran

Pas mbylljes së vendvotimeve në Iran, pritet të fillojë numërimi i votave në zgjedhjet presidenciale, ku kanë garuar katër kandidatë.

 Votimet u mbyllën në orën 24:00 sipas orës lokale të premten. Më shumë se 56 milionë njerëz kishin të drejtë të votojnë në zgjedhje. Rezultatet paraprake pritet të dalin gjatë orëve në vijim. Gara kryesore u zhvillua midis dy kandidatëve, z. Hasan Ruhani dhe z. Ebrahim Raisi. Lideri suprem i Revolucionit Islamik, Ajetollah Khamenei, i cili hodhi votën menjëherë pas hapjes së votimeve, tha: "Të gjithë duhet të votojnë në këto zgjedhje të rëndësishme".