Irani dhe Sllovenia të interesuar për zgjerimin e marrëdhënieve

Drejtori i përgjithshëm i departamentit të Evropës veriore dhe lindore në Ministrinë e Punëve të Jashtme të Iranit ka thënë se për Iranin nuk ekziston asnjë lloj kufizimi në zgjerimin e bashkëpunimeve politike, parlamentare, ekonomike dhe kulturore me Slloveninë.

Mahmud Brimani, në takimin që pati me Mati Maren drejtor i përgjithshëm i Ministrisë së Jashtme të Sllovenisë, takim që u organizua në Lubianë tha; Irani synon zgjerimin e marrëdhënieve bilaterale, rajonale dhe ndërkombëtare me Slloveninë dhe kërkon gjetjen e rrugëve të reja për shkëmbimin e eksperiencave bilaterale. Mahmud Brimani ndër të tjera shtoi: Mes Iranit dhe Sllovenisë bashkëpunimet janë forcuar dhe janë nënshkruar disa marrëveshje për zgjerimin dhe thellimin e mëtejshëm të tyre. Për momentin fushat e bashkëpunimit mes Iranit dhe Sllovenisë janë ambienti, energjia rinovuese, prodhimi i pajisjeve për makinat, bujqësi dhe nano-teknologji. Nga ana e tij Mati Maron vuri në dukje se vendi i tij është i interesuar për zgjerimin e marrëdhënieve me Iranin sidomos në fushën ekonomike.