Rojet bregdetare saudite hapin zjarr kundër dy peshkarexhave iraniane

Sipas burimeve lokale, forcat e rojeve bregdetare të Arabisë Saudite kanë hapur zjarr ndaj dy anijeve të peshkimit në rajonin Bushehr, ku si pasojë ka humbur jetën një peshkatar iranian.

Siç njofton agjencia e lajmeve IRIB që citon burime lokale, natën e kaluar dy anije peshkimi iraniane që po lundronin në afërsi të platformave të naftës në kufirin ujor mes Iranit dhe Arabisë Saudite, janë qëlluar me armë zjarri nga një patrullë detare saudite dhe si pasojë, një peshkatar iranian është vrarë. Për momentin, autoritetet iraniane po e shqyrtojnë këtë incident.