“Marrja në konsideratë e kundërmasave ndaj sanksioneve të SHBA”
Ligjvënësit iranianë po mendojnë kundërmasat gjatë javëve të fundit kundër vendimit të Senatit amerikan për të imponuar sanksione të reja kundër Republikës Islamike të Iranit.
Deputetët iranianë kanë përgatitur një projekt-ligj për të kundërshtuar aktet "armiqësore" të Uashingtonit dhe sanksionet kundër Iranit. Projekt-ligji do të kushtojë rreth 10 trilionë rialë (rreth 270 milionë dollarë) për aktivitetet e raketave të vendit. Sasi e njëjtë do të ndahet për luftën kundër terrorizmit. Muajin e kaluar, Senati amerikan votoi me 98-2 vota për sanksione të reja kundër Iranit dhe Rusisë. Projekt-ligji përfshin sanksione të reja mbi Iranin mbi programin e raketave balistike dhe "mbështetjen e vazhdueshme për terrorizmin". Zyrtarët e qeverisë iraniane, si dhe ligjbërësit irakianë e kanë kundërshtuar vendimin e Senatit të SHBA. Një anëtar i Komitetit të Parlamentit për Sigurinë Kombëtare dhe Politikën e Jashtme tha për ‘Iranit Daily’ se drafti i hartuar nga kolegët e tij synon të tregojë se Republika Islamike nuk do të nënshtrohet ndaj kufizimeve të vendosura nga Uashingtoni dhe aleatët e tij. Mohamed Ebrahim Rezai tha se "operacionet psikologjike" të amerikanëve do të dështojnë të ndikojnë në kundërmasat kundër Uashingtonit. Senatorët amerikanë kanë thënë se ligji i tyre kundër Iranit nuk bie ndesh me marrëveshjen bërthamore të Iranit. Megjithatë, Rezai i përshkroi komentet e tilla si "propaganda" dhe në përputhje me përpjekjet për "shmangien e përgjegjësisë", që është "e papranueshme". Irani dhe pesë anëtarët e përhershëm të Këshillit të Sigurimit të Kombeve të Bashkuara - Shtetet e Bashkuara, Franca, Britania, Rusia dhe Kina - plus Gjermania nënshkruan Planin e Përbashkët të Veprimit (JCPOA) për programin bërthamor të Iranit në korrik 2015 dhe filloi zbatimin e tij në janar 2016. Sipas JCPOA, Irani vendosë kufizime në programin e tij bërthamor në shkëmbim të heqjes së sanksioneve të imponuara kundër Teheranit. Ligjvënësi iranian tha se amerikanët kanë premtuar të përmbahen nga sanksionet që do të ndikojnë në marrëveshjen bërthamore, duke shtuar se ata po shkelin angazhimet e tyre nën justifikime të tilla si programi raketor i Iranit dhe të dhënat për të drejtat e njeriut. Ai tha se aftësitë e raketave janë një pjesë "e pandashme" e sistemit mbrojtës të Iranit. Rezai tha se Republika Islamike e Iranit ka të drejtë të ndërmarrë veprime reciproke kundër "mos-angazhimit" të Uashingtonit për refuzimin për t'u përmbajtur ndaj detyrimeve të saj sipas marrëveshjes bërthamore.
