Trump nuk certifikon marrëveshjen bërthamore

Presidenti i SHBA Donald Trump ka refuzuar të certifikojë marrëveshjen ndërkombëtare bërthamore me Iranin dhe paralajmëroi se ai mund ta përfundojë atë, duke minuar një fitore historike të diplomacisë shumëpalëshe dhe në kundërshtim me fuqitë e tjera botërore.

Duke folur nga Shtëpia e Bardhë të premten, Trump tha se do të zgjedhë të mos vërtetojë se Teherani po përmbush angazhimet në përputhje me marrëveshjen bërthamore të vitit 2015 të njohur si Plani i Përbashkët i Veprimit. Fjalimi i Trump sinjalizoi një ndryshim të madh në politikën amerikane dhe detajoi një qëndrim më konfrontues ndaj Iranit lidhur me programet e tij bërthamore dhe raketore. Trump tha gjithashtu se qëllimi i tij është të sigurojë se Irani kurrë nuk do të marrë armë bërthamore. "Ne nuk do të vazhdojmë në një rrugë ku përfundimi i parashikueshëm është më shumë dhunë, më shumë terror dhe kërcënim real i shpërthimit bërthamor të Iranit", tha Trump. Ndërsa Trump nuk e tërhoqi Uashingtonin nga marrëveshja bërthamore, ai i dha Kongresit amerikan 60 ditë për të vendosur nëse do të vendoste sanksionet ekonomike kundër Teheranit që u hoqën pas marrëveshjes. Trump gjithashtu njoftoi "sanksione të ashpra" mbi Gardën Revolucionare të Iranit, të cilën e akuzoi për destabilizimin e Lindjes së Mesme dhe kërcënimin e interesave amerikane në rajon.