Ruhani në takim me Putin: Moska partner strategjik i Teheranit

Presidenti i RII Hasan Ruhani tha të mërkurën se Rusia konsiderohet si mik i Iranit, fqinj dhe partner strategjik dhe Irani është i vendosur të zgjerojë marrëdhëniet gjithëpërfshirëse dhe bashkëpunimin me Rusinë.

Presidenti Ruhani e bëri këtë deklaratë në një takim me homologun e tij rus Vladimir Putin i cili aktualisht është në Teheran për të marrë pjesë në takimet midis presidentëve iranian, azerbajxhanas dhe rus. Marrëdhëniet midis Teheranit, Moskës dhe Bakusë për zgjerimin e bashkëpunimit rajonal dhe bashkëpunimit në fusha të ndryshme janë të një rëndësie parësore, tha Presidenti iranian. Disa marrëveshje shumë të mira për energjinë, energjinë paqësore bërthamore, transportin dhe tranzitin e mallrave janë nënshkruar midis dy palëve dhe bashkëpunimi për zbatimin e këtyre marrëveshjeve do të jetë në proces, tha Presidenti Ruhani. Ai shtoi se bashkëpunimi i ngushtë midis Iranit dhe Rusisë në luftën kundër terrorizmit në rajon ishte shumë i frytshëm dhe premtues dhe është shumë e rëndësishme që ky bashkëpunim të vazhdojë deri në fund. Të dy presidentët kërkuan zgjerimin e bashkëpunimit dypalësh, rajonal dhe ndërkombëtar në sektorë të ndryshëm. Presidenti rus, nga ana e tij, e falënderoi ftesën dhe pritjen e presidentit të Iranit, për presidentët e Rusisë dhe Azerbajxhanit dhe tha se Republika Islamike e Iranit është një fqinj i mirë dhe një partner strategjik për Rusinë dhe të dyja palët kanë mjaft interesa të përbashkëta që do të arrihen përmes bashkëpunimit të ndërsjellë . Presidenti Putin bëri thirrje gjithashtu për zgjerimin e bashkëpunimit midis Iranit, Rusisë dhe Azerbajxhanit për transportin, tranzitin e mallrave si dhe Korridorin Veri-Jug. Ai shprehu shpresën se takimi trepalësh do të çojë në zgjerimin e marrëdhënieve dhe bashkëpunimit ndërmjet palëve. Kompanitë ruse janë të etura të bashkëpunojnë me Iranin në fusha të ndryshme ekonomike, si energjia paqësore bërthamore, transporti rrugor dhe hekurudhor etj, tha Presidenti Putin. Shkëmbimi tregtar mes Iranit dhe Rusisë shënoi një rritje të dukshme në vitin 2016 dhe një trend i tillë duhet të vazhdojë, tha Presidenti i Rusisë. Putin shtoi se marrëveshja bërthamore ishte një marrëveshje shumë e mirë ndërkombëtare që shërbeu për paqen dhe stabilitetin global. Moska beson se shkelja e njëanshme e marrëveshjes bërthamore nuk është e pranueshme për asnjë arsye dhe ajo nuk ka të bëjë aspak me programet e mbrojtjes dhe raketave të Iranit. Për zhvillimet siriane, ai tha se roli i Rusisë, Iranit dhe Turqisë në luftën kundër terrorizmit do të vazhdojë nën negociatat e Astanasë.