Koalicionit anti-Iran i shkatërrohet ëndrra

Kur Nikki Haley u bë ambasadore e SHBA në Kombet e Bashkuara, ajo tërhoqi thikën e saj kundër Iranit dhe nuk ka kursyer asnjë përpjekje për të treguar armiqësinë e saj kundër Iranit.

Rrëfimi më i fundit i Nikki Haley u vendos në skenë në një bazë ushtarake në Uashington DC kohët e fundit. Megjithëse të gjithë presin t'a shohin atë për të vepruar si një eksperte e politikës ndërkombëtare, ajo vazhdoi t'a informojë auditorin mbi raketën e vendosur nga luftëtarët e Ansarullah në Jemen (kundër Riadit), duke elaboruar në çdo detaj si një eksperte ushtarake me përvojë. Ajo u përpoq të nxjerrë një paralele midis raketës së Jemenit dhe raketës balistike me rreze të shkurtër të projektuar dhe ndërtuar nga Irani, e quajtur Kiam-1.  Ministri i jashtëm iranian z. Mohamed Xhevad Zarif krahasoi shfaqjen e mbajtur nga ambasadorja amerikane në OKB me atë të Kolin Powel, më pas sekretari amerikan i Shtetit, 14 vjet më parë, i cili akuzoi Irakun se ishte në posedim të armëve të shkatërrimit në masë, veçanërisht të armatimeve kimike. Për fat të mirë, për dy muajt e fundit, vendet evropiane, si Gjermania dhe amerikanët që kundërshtojnë politikat e presidentit amerikan Donald Trump kanë paralajmëruar kundër përpjekjeve të administratës së tij për të përdorur Jemenin si një pretekst të fundit për të kundërshtuar Iranin. Me fjalë të tjera, ajo që Nikki Haley bëri në Uashington është tashmë një përpjekje e zbehtë dhe e zhveshur. Të njëjtat burime kanë argumentuar se ekipi ekstremist i Trump po përpiqet, nëse është e mundur, t'a bëjë Iranin të pranojë kushtet e SHBA-së në lidhje me Planin e Përbashkët të Veprimit, të njohur gjithashtu si marrëveshja bërthamore e Iranit dhe, nëse nuk është e mundur, të hapë terrenin për një konfrontim me Iranin. Megjithatë, për të kuptuar skenarin e Koalicionit Anti-Iran, duhet t'i kushtojmë vëmendje të kujdesshme lojës së madhe të Lindjes së Mesme. Tre lojtarë janë mbledhur së bashku për të vënë një shfaqje shumë qëllimore në rajon. Ata duan, së pari, të rivendosin reputacionin e tyre të dëmtuar në Lindjen e Mesme dhe, së dyti, të sigurojnë interesat e tre lojtarëve të mposhtur. Aktori i parë është Trump, i cili ka dështuar në politikat e tij të brendshme dhe të jashtme, as nuk ka mirëpritur brenda SHBA dhe as në mbarë botën. Për të kompensuar humbjen, ai ka nevojë të jashtëzakonshme për të bërë një arritje të madhe. Lojtari i dytë është kryeministri sionist Benjamin Netanjahu, i cili është më siklet brenda territoreve të pushtuara për shkak të politikave të tij të padrejta, ai është akuzuar gjithashtu për korrupsion financiar. Prandaj, ai gjithashtu ka nevojë për një arritje të madhe për të fituar zemrat e izraelitëve të pakënaqur. Lojtari i tretë, një burim keqardhje për botën islame, është Princi i Kurorës Saudite, Mohammad bin Salman i cili duhet të aderojë në termat e diktuara nga SHBA dhe Izraeli për të hequr qafe akuzat e terrorizmit shtetëror dhe përfshirjen e Arabisë Saudite në sulmet terroriste të 1 shtatorit 2001 në Amerikë dhe për të kapur fronin përballë një numri të madh të pretendentëve të princit saudit.

Loja e publikuar deri më tani ka disa karakteristika, disa prej të cilave janë renditur si më poshtë:

- Qyteti i shenjtë i Kodsit në territoret e okupuara palestineze duhet të deklarohet si kryeqyteti izraelit gjatë mandatit të Trump, kështu që edhe nëse presidentët e ardhshëm amerikanë nuk e ndjekin këtë politikë, precedenti historik do të mbizotërojë.

- Lobi sionist në SHBA duhet të mbështesë në Kongresin amerikan çdo përpjekje për pezullim të Trump.

- Në të njëjtën kohë, SHBA, regjimi sionist dhe Arabia Saudite duhet të parandalojnë Iranin nga miratimi i një roli apo përdorimi të levave të tij në rajon, kështu që ata mendojnë se duhet të fillojnë të qëndrojnë kundër Iranit në një nga sferat e ndikimit të Iranit, dmth Jemeni dhe pastaj për të shkuar në Liban, Siri, Irak, etj.

Kështu, ata kanë nisur një fushatë mediatike kundër Iranit duke përdorur çështjen e raketave të lëshuara nga Jemeni kundër Rijadit për të përgatitur opinionin publik botëror për përpjekjet e ardhshme, përkatësisht anulimin e marrëveshjes bërthamore dhe kërcënimet për sanksione të reja kundër Iranit, kërcënimet me sulme ushtarake ose duke vënë nën presion për të pranuar kushtet e SHBA. Fakti që fuqitë e mëdha si Bashkimi Europian, Rusia dhe Kina janë të gjitha të njohura me këtë lojë dhe interesat e tyre kombëtare i detyrojnë ata të qëndrojnë kundër SHBA. Në rast se lëvizja e Hailey vazhdon me sukses dhe ajo mund të përfitojë nga burime dhe elemente të tjera për të promovuar projektin e saj shumëdimensional, marrëveshja bërthamore pritet të konsiderohet e pavlefshme me qëllim ose kthimin e sanksioneve amerikane kundër Iranit dhe për të jetësuar premtimet e Trump të dhëna gjatë fushatës.

Por në qoftë se njohja e Kodsit të shenjtë si kryeqytet të regjimit sionist përballet me kundërshtime serioze nga bota muslimane dhe anembanë globit, ata do të hyjnë në konflikt me Iranin për të devijuar vëmendjen e publikut global nga çështja e Kodsit.

Nga ana tjetër, Izraeli pritet të përpiqet që rolin që Irani e ka në rajon t'ia dhurojë Arabisë Saudite. Në këtë mënyrë ata do t'i japin fund luftës në Jemen në përputhje me interesat saudite, ndërsa bin Salman do të kapë fuqinë për t'u bërë mbret.

Më shumë, bin Salman do të angazhohet hapur me Tel Avivin për të vendosur lidhje me regjimin sionist, gjë që nga ana tjetër hap rrugën për shtetet e tjera arabe për të normalizuar marrëdhëniet me Izraelin. Në këtë mënyrë, enigma e Izraelit do të zgjidhet pas 100 vjetësh për të siguruar interesat e sionistëve.

Të gjitha pikat e lartpërmendura janë ëndrrat që tre lojtarët e mposhtur po ndjekin për t'i realizuar. Ata shpresojnë të bashkohen nën flamurin e vetëm të Koalicionit Anti-Iran për të qenë në gjendje të arrijnë qëllimet e tyre.

Por Irani duke pasur kujdes, duke treguar pjekuri dhe vizion ndërkombëtar, do ët arrijë t'i prish ëndrrat e tyre.