Ruhani: Amerikanët nuk mund të shkatërrojnë marrëveshjen bërthamore

Presidenti iranian z. Hasan Ruhani ka thënë se Shtetet e Bashkuara nuk do të jenë në gjendje të anulojnë marrëveshjen bërthamore shumëkombëshe të vitit 2015, duke theksuar se marrëveshja historike do të mbetet në vendin që është.

"Dy vjet kanë kaluar që nga zbatimi i marrëveshjes bërthamore", tha Ruhani të martën, duke iu referuar Planit të Përbashkët të Veprimit. "Amerikanët kanë bërë disa përpjekje për të shkatërruar marrëveshjen bërthamore, por ata kanë dështuar në këtë drejtim dhe unë besoj se ata nuk do të mund t'a bëjnë këtë deri në fund", shtoi ai. Presidenti iranian i kërkoi gjithashtu kundërshtarëve të marrëveshjes bërthamore të Iranit që të mos shpresojnë në Trump, duke thënë se ai nuk do të bënte asgjë për ta. "Marrëveshja bërthamore mbetet në vendin që është dhe ne do të vazhdojmë këtë rrugë," vuri në dukje z. Ruhani. Agjencia Ndërkombëtare e Energjisë Atomike ka konfirmuar në mënyrë të përsëritur angazhimin e plotë të Iranit në zbatimin e marrëveshjes. Megjithatë, Trump refuzoi në tetor për të vërtetuar se Irani po zbatonte këtë marrëveshje sipas një ligji të brendshëm amerikan dhe paralajmëroi se ai mund të përfundonte "marrëveshjen". Ai gjithashtu kërkoi nga administrata e tij "për të bashkëpunuar ngushtë me Kongresin dhe aleatët e SHBA për të trajtuar shumë gabime serioze të marrëveshjes". Javën e kaluar, Kongresi i SHBA humbi një afat kohor për të rivendosur sanksione mbi Iranin. Tani, Trump ka afat deri në mes të janarit të vendosë nëse do të heqë sanksionet anti-Iran ose do të rrezikojë ndërprerjen e paktit bërthamor duke imponuar masa të reja.