Sanaa paralajmëron ashpër Riadin

Pars Today – Ministria e Punëve të Jashtme e Jemenit ka paralajmëruar Arabinë Saudite për pasojat e çdo përshkallëzimi të tensioneve, duke ritheksuar se formula "bllokadë për bllokadë" tashmë është një realitet i konsoliduar.

Sipas Pars Today, duke cituar agjencinë e lajmeve Mehr, ministria deklaroi se çdo përpjekje e Arabisë Saudite për të përshkallëzuar situatën do të përballet me një reagim gjithëpërfshirës, pasojat e të cilit Riadi nuk do të jetë në gjendje t'i përballojë.

Në deklaratë thuhet se strategjia "bllokadë për bllokadë" është tashmë një fakt i pamohueshëm dhe se Jemeni iu drejtua këtij opsioni vetëm pasi kishte shteruar të gjitha rrugët e tjera për të siguruar të drejtat e veta legjitime.

Ministria e Punëve të Jashtme të Jemenit i cilësoi si formale disa prej mbështetjeve ndërkombëtare për Arabinë Saudite dhe theksoi: “Opinioni i lirë botëror e konsideron të drejtë qëndrimin e Jemenit. Përpjekjet e regjimit saudit për të minimizuar goditjen e marrë kanë dështuar dhe tashmë po zhytet gjithnjë e më shumë në pasojat e veprimeve të veta.”

(Kërkoni video, na ndiqni: https://t.me/ParsTodayshqip)