Ministri i jashtëm iranian arrin në Moskë

Ministri i punëve të jashtme të Iranit arriti për një vizitë në Moskë për tu takuar me ministrin e punëve të jashtme të Rusisë.

Z. Muhamed Xhavad Zarif këtë vizitë e zhvillon në kuadër të kontakteve të vazhdueshme mes ministrave të jashtëm të Iranit dhe Rusisë, sidomos në lidhje me marrëveshjen bërthamore. Ministri i jashtëm i Iranit të enjten gjithashtu me ftesë të znj. Federika Mogherini, shefes së diplomacisë evropiane, do të shkojë në Belgjikë dhe do të takohet me ministrat e jashtëm të Gjermanisë, Francës dhe Britanisë së Madhe dhe do të diskutojë rreth zhvillimeve më të fundit përkatëse me marrëveshjen bërthamore.