Presidenti Ruhani uron homologut të tij grek për festën kombëtare

Presidenti i Republikës Islamike të Iranit në mesazhe të ndara ka uruar presidentin e Greqisë dhe kryeministrin e këtij vendi për festën kombëtare dhe theksoi se historia e lidhjeve Iran-Greqi është një faktor i rëndësishëm për miqësinë mes dy vendeve.

Sipas agjencisë IRNA të lajmeve, Hasan Ruhani dje ka uruar presidentin Prokopis Pavlopoulos të Greqisë dhe kryeministrin Alexis Tsipras. Ai me këtë rast shpresoi në zgjerimin akoma më të madh të marrëdhënieve miqësore mes Iranit dhe Greqisë duke pasur parasysh se që të dy vendet kanë lidhje të vjetra kulturore mes tyre.