Irani përgëzon Irakun

Ambasada e Iranit në Bagdad publikoi një deklaratë të dielën duke u uruar qeverisë dhe kombit irakian mbajtjen e zgjedhjeve parlamentare në një atmosferë të qetë dhe të sigurt.

Deklarata, e cila erdhi një ditë pas zgjedhjeve kombëtare të mbajtura në Irak, tha se zgjedhjet u mbajtën pas fitoreve të mëdha kundër terrorizmit dhe janë tregues i rritjes dhe prosperitetit të Irakut. Ambasada iraniane shprehu shpresën se vazhdimi i këtij trendi do të rriste më tej harmoninë dhe stabilitetin në Irak dhe në të gjithë rajonin. Zgjedhjet e katërta parlamentare të Irakut u mbajtën në të gjithë vendin më 12 maj dhe rezultatet përfundimtare pritet të shpallen brenda 48 orë pas përfundimit të votimit. Rreth 44.52% nga gjithsej 24 milion njerëz me të drejtë vote kanë marrë pjesë në këto zgjedhje.