Presidenti i Republikës Islamike të Iranit uron peshëngritësit irannianë

Presidenti i Republikës Islamike të Iranit ka uruar peshëngritësit iranianë për fitoren e ekipit iranian në kampionatin botëror të peshëngritjes për të rinjtë.

Presidenti Hasan Ruhani ka falënderuar ekipin iranian të peshëngritjes për të rinjtë të cilët në kampionatin e organizuar në Tashkenad të Uzbekistanit arritën që për herë të tretë radhazi të dalin kampion. Në kampionatin botëror të peshëngritjes për vitin 2018 që u mbajt në Uzbekistan, ekipi iranian mori 2 medalje ari, 3 argjendi dhe 3 bronzi dhe për të tretin vit radhazi është shpallur kampion bote. Pas Iranit janë renditur ekipet nga Uzbekistani, Turqia dhe Amerika. Më herët ekipi iranian i peshëngritjes për të rinjtë ka fituar kampionatet e mbajtura në Japoni në vitin 2017 dhe Gjeorgji në vitin 2016. Kampionati i peshëngritjes për të rinjtë nisi më 6 korrik në Uzbekistan dhe përfundoi ditën e shtunë.