Xhaberi Ansari takohet me përfaqësuesin e Gutters për Sirinë

Asistenti special i ministrit të jashtëm të Republikës Islamike të Iranit për çështjet politike, ka thënë se kthimi të shpërngulurve, nisja e punës për reformimin e kushtetutës dhe për aktivizimin e komiteteve për shkëmbimin e të burgosurve dhe personave të zhdukur, janë ndër prioritetet kryesore dhe të më të rëndësishme të politikës së qeverisë siriane.

Husein Xhaberi Ansari, në takim me Stefan De Mistura përfaqësues i Antonio Gutters për çështjen e Sirisë ka thënë: Republika Islamike e Iranit që nga nisja e krizës në Siri ka qenë e mendimi se kjo krizë nuk ka zgjidhje ushtarake. Xhaberi Ansari përmendi krimet e grupeve terroriste në Siri dhe shtoi: Procesi i luftës kundër terrorizmit në Siri ka arritur suksese të konsiderueshme dhe janë krijuar kushtet për shtrirjen e pushtetit të shtetit në të gjitha pjesët e vendit. Ai gjithashtu theksoi forcimin e marrëdhënieve Teheran OKB në fusha të ndryshme dhe shprehu gatishmërinë e Teheranit për zgjerimin e bashkëpunimeve dypalëshe për t’i dhënë fund krizave në rajon dhe sidomos krizës në Siri. Nga ana e tij Stefan De Mistura përfaqësues i Antonio Gutters për çështjen e Sirisë ka thënë: Irani si një vendi madh dhe i fuqishëm në rajon mund të luajë rol të rëndësishëm në vendosjen e stabilitetit në Siri dhe në procesin e zgjidhjes politike të krizës në këtë vend. De Mistura gjithashtu shprehu mbështetjen e OKB për prioritetet e qeverisë siriane dhe shprehu gatishmërinë e saj për të bashkëpunuar me Teheranin në drejtim të zgjidhjes politike të krizës në Siri.